Шешуші тур алдында павлодарлық волейболшылар үздік үштікке жақындады, деп хабарлайды @Pavlodarnews.kz тілшісі.

Бірқатар сәтсіздіктерден кейін Сергей Грибовтың шәкірттері ерлер арасындағы Ұлттық лиганың аутсайдерлеріне қарсы екі кездесу өткізді. Петропавлдың «Есіл СК» командасына қарсы ойын ойдағыдай басталғанымен, екінші сетте солтүстіктіктер басымдыққа ие болды. Алайда павлодарлықтар келесі екі ойында қарсыластарын тізе бүктірді – 25:18, 25:14.

Келесі кезек Көкшетаудың «Ұшқынына» келді. Бұл жолы бәрі ешбір қиындықсыз. «Pavlodar» бір сағат ішінде үш сетте сенімді жеңіске жетті. Осылайша, павлодарлықтар үшінші айналымда үш жеңіс пен үш жеңіліспен 12 ұпай жинады. Айта кетейік, үш сәтсіздікте де павлодарлықтар тек тай-брейкте ғана ұтылды.

Біздің команда ішінде үздік ойыншысы ретінде Рүстем Сапар танылды.

Енді қазақстандық элиталық дивизионның командаларын шешуші төртінші тур күтіп тұр. Ол 17 ақпанда Павлодарда басталады.