Қалалық ТҮКШ және АЖ бөліміне қатысты әкімшілік іс қозғалды, деп хабарлайды @Pavlodarnews.kz тілшісі.

ҚР Бәсекелестікті қорғау және дамыту агенттігінің Павлодар облысы бойынша департаменті қалалық тұрғын үй-коммуналдық шаруашылық, жолаушылар көлігі және автомобиль жолдары бөлімініе ақпарат ұсыну туралы сауал жолдады.

– Департаменттің сауалына ақпаратты уақтылы ұсынбау фактісі бойынша ТҮКШ бөліміне қатысты ҚР ӘҚБтК-нің 162-бабы бойынша әкімшілік құқық бұзушылық туралы іс қозғалды,– делінген хабарламада. 

ТҮКШ бөлімінің құқық бұзушылық жасау фактісін мойындауына байланысты ҚР ӘҚБтК 811-бабы шеңберінде қысқартылған әкімшілік іс жүргізу тәртібі қолданылды. 

Айыппұл 50% көлемінде төленіп, сомасы– 172,5 мың теңгені құрады.