Дәстүр бойынша ол дарынды балаларға арналған Абай атындағы №10 мектеп-лицейінде өтті, деп хабарлайды @Pavlodarnews.kz тілшісі.

География пәнінің мұғалімі Зара Қожахметованың есімі педагогикалық ортада ғана емес, қоғамдық өмірде де танымал. Зара Қожахметова ұзақ уақыт бойы Павлодар облысының Мұсылман әйелдер лигасын басқарды.

Абай атындағы №10 мектеп-лицейінің педагогы Серік Төлегеновтің айтуынша, олимпиаданы өткізудің бастамашылары оқу орнының әкімшілігі, сондай-ақ Зара Қожахметованың туыстары болды. Интеллектуалды бәсекелестік ең алдымен ауыл балаларына бағытталған, бұл барлық адамдар үшін сабақтастық пен тең мүмкіндіктерді көрсететінін атап өтті.

– Жаһандану жағдайында география пәнінің ғылым ретіндегі маңызы артып келеді. Бұл оқушылардың экологиялық мәдениетін қалыптастыруға басты назар аударылатынын көрсетеді. Жаратылыстану ғылыми циклдің жалғыз пәні болып есептеледі. Олимпиадалар аналитикалық және экологиялық ойлауды дамытуға көмектеседі. Тапсырмалар табиғи апаттарды, экологиялық проблемаларды талдауды қамтиды, демек, өмірге тікелей байланысты, – дейді мұғалім. 

Ұстаздың сөзінше, олимпиада екі кезеңнен тұрады. Олар бірінші кезекте тесттер - 30 сұрақтан қамтылса және екінші кезең практикалықта төрт тапсырма. Қатысушылар карталармен жұмыс істейді, табиғи құбылыстардың себеп-салдарлық байланыстарын анықтайды, аналитикалық мәселелерді шешеді.

– Біз тапсырмаларды әр түрлі қиындық деңгейінде ұстауға тырысамыз. Атап айтқанда, жеңіл, орташа және күрделі. Әркімнің өзін көрсете алуы маңызды. Биыл біз алғаш рет қалалық мектеп оқушыларын қатыстырдық, – деді Серік Төлегенов. 

Еске сала кетейік, Зара Қожахметованың мемориалдық тақтасына гүл шоқтары қойылды. Оның құрметіне Қазақстан халқы Ассамблеясы мен облыстық Аналар кеңесінің өкілдері келді.

– Маған Зара Қожахметовамен жұмыс істеу бақыты бұйырған. Ол кісі ғажайып адам еді. Бәрінен бұрын жеке тұлғаны көре білді, қателесуге мүмкіндік берді және ешқашан бір теріс қылық үшін адамды сөкпеген еді. Бұл – сирек кездесетін көркем мінез, – деді ҚХА Аналар кеңесі төрағасының орынбасары Ольга Николашина. 

Серік Төлегеновтің айтуынша, олимпиада жеңімпаздары мен жүлдегерлері ақшалай марапаттарға ие болады. Негізгі орындардан басқа үш қосымша номинация қарастырылған. 

Жеңіске ұмтылу, табандылық және жақсы нәтижелерді көрсете білу – үлкен қасиет.