Төрт басқарманың өкілдеріне сұрақ қоюға болады, деп хабарлайды @Pavlodarnews.kz.

Облыстық жұмыспен қамтуды үйлестіру және әлеуметтік бағдарламалар басқармасының мәліметінше, 9 қыркүйекте азаматтарды бірыңғай қабылдау күнін ұйымдастыру жоспарланған. 

– Өңірдің әрбір тұрғыны өз сұрақтарын қойып, кеңес ала алады, сонымен қатар әлеуметтік және медициналық көмек, жұмысқа орналастыру, білім беру қызметтері және спорт саласында ұсыныстар немесе ескертулер енгізе алады, – делінген хабарламада. 

Кеңесті білім беру, жұмыспен қамтуды үйлестіру және әлеуметтік бағдарламалар, денсаулық сақтау, дене шынықтыру және спорт басқармалары өткізеді. 

Павлодарлықтарды сағат 10:00-нан 13:00-ке дейін Астана көшесі, 59 мекенжайында орналасқан әлеуметтік фронт-офис алаңында қабылдайды.