Көше учаскесінде асфальт төсеу жұмыстары жүргізіледі, деп хабарлайды @Pavlodarnews.kz тілшісі.

Қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің мәліметінше, 6 қараша күні сағат 20:00-ге дейін Нұрсұлтан Назарбаев даңғылының академик Шөкин көшесінен Ломов көшесіне дейінгі шығыс жағы жабылады (ак. Шөкин – Н.Назарбаев даңғылы мен Ломов – Н. Назарбаев даңғылының қиылыстарын жабусыз).

Осыған байланысты, №21, 22 автобус маршруттары Нұрсұлтан Назарбаев даңғылымен оңтүстіктен солтүстікке қарай жүріп бара жатқанда, осы учаскені Ломов – Мәшһүр Жүсіп – академик Шөкин көшелерімен айналып өтетін болады. Сол сияқты кері бағытта жүреді. 

№24 автобус бағыты оңтүстіктен солтүстікке қарай жүру кезінде осы учаскені Н. Назарбаев – Ломов – Катаев – Ак. Шөкин – Н. Назарбаев даңғылы бойынша айналып өтеді. Сол сияқты кері бағытта жүреді.