Олар осы салтпен жарқын мезгілде мол өнім алуға үміттенеді, деп хабарлайды @Pavlodarnews.kz тілшісі.

«Достық үйінде» «Мәдениетті ана-мәдениетті ұлт» және «Салауатты сана» республикалық жобалары, Қазақстан халқы Ассамблеясының30 жылдығы аясында облыстық Аналар кеңесінің ұйымдастыруымен, «Қоғамдық келісім» КММ қолдауымен «Отбасы – тәрбие іргетасы» фестивалі өтті.

Фестивальде № 18 мектеп ұжымы мен өңіріміздің беларусь орталығы бірлесіп, көктемді күтіп алу рәсімін көрсетті.

–  «Матейде жол терлейді, Саракиде ағаштар өседі, Алексейде балық құйрығымен мұзды жарып жібереді, ал Хабарда ләйлек ұшады» дейді. Сондықтан, ләйлек  – көктем келеді дегенді білдіреді, – дейді орталықтың мүшесі Людмила Воробьева.

Оның айтуынша, бұл салт ежелгі пұтқа табынушылық дәуірінде пайда болған. Революциядан кейін ол жиі есте қалмады, бірақ қазір ол Беларусьте кеңінен атап өтіледі. Ләйлек – белорустар үшін қасиетті құс. Ләйлек ауласын таңдаған қожайындар жыл табысты болады. Көктемнің хабаршысын өлтіру немесе ұясын бұзу үлкен күнә деп санаған.

Рәсімде қыздар көктемді шақырады. Олар әдетте ауылдың арғы жағындағы әлдебір биік жерге немесе биік өзен жағасына жиналып, сабан жайып, шеңбер бойына отырып, түстен кешке дейін көктем әндерін айтатын болған.

–  Могилев облысының кей жерлерінде ләйлектердің ұшып келе жатқанын көрген қыздар саятшылықтың төбесіне шығып, сол жерде веснянка әндерін шырқап, әр өлеңді «Уа!» деп аяқтайды, – деді ол.

Людмила Воробьева қазір веснянка әндерін шырқап, әр өлеңді «Уа!» деп аяқтайтын салттың әлі сақталып келгенін жеткізді.

Соңынан оқушылар беларусь халқының ұлттық биін биледі.

Еске салайық, фестивальге 39 мектеп белсенді қатысты. Фестиваль үш кезеңнен тұрады. Екінші кезеңде 11 қала мектебі мен облыстық Қазақстан халқы Ассамблеясыныңэтномәдени бірлестіктері ұлттық салт-дәстүрлерді көрсетті.Ал, оның мәресі қазан айында қорытындыланады.