Көше учаскесінде жөндеу жұмыстары жүргізіледі, деп хабарлайды @Pavlodarnews.kz тілшісі.

Қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің мәліметінше, 23 қаңтар күні сағат 19.00-ге дейін Қамзин көшесі – Н. Назарбаев даңғылы шекарасындағы Ладожская көшесі бойынша автокөлік құралдарының қозғалысы шектеледі. 

Осыған байланысты № 1э, 9, 57, 115 автобус маршруттарының қозғалыс сызбасына уақытша өзгерістер енгізіледі. №1э автобус бағыты Н. Назарбаев даңғылы мен Ладожская көшесіне кірмей Ладожская аялдамасынан Қамзин көшесі мен ҚазПравда көшесі арқылы шығады. 

№ 9 автобус бағыты Қамзин көшесі бойынша солтүстіктен оңтүстікке қарай жылжу кезінде осы учаскені Қамзин – Қаз Правда – Н. Назарбаев көшелері бойынша айналып өтеді. Сол сияқты кері бағытта.

№57 және 115 автобус маршруттары тікелей Н.Назарбаев даңғылымен (Ладожская көшесіне кірмей) жүретін болады.