Орталықтың негізін қалаушы – ерекше бала тәрбиелеп отырған көпбалалы ана Арайлым Әлімжанова, деп хабарлайды @Pavlodarnews.kz тілшісі.

Бұл – облыс орталығындағы «Жарқын болашақ» түзету қызметтері орталығы орталықтың үшінші филиалы. «Жарқын болашақ» Семей қаласында 2015 жылдан бері жұмыс істейді. 

Арайлым Әлімжанова 1978 жылы 29 қыркүйекте дүниеге келген, білімі жоғары, тұрмыста, төрт бала тәрбиелеп отыр. Абай облысы білім беру басқармасының «Асыл Мирас» аутизмі бар балаларды қолдау орталығының директоры, әйелдер күштері альянсының төрағасы, Абай облысы әкімінің гендерлік теңдік туралы кеңесшісі. 

Қазақстан Республикасы Президентінің «Аруана» сыйлығының лауреаты. 2023 жылы «Жарқын болашақ» түзету қызметтері орталығы Қазақстан Республикасындағы инклюзияны дамыту саласындағы үздік жоба болып танылды.

«Жарқын болашақ» түзету қызметтері орталығы психо-сөйлеу дамуы тежелген, аутизм спектрі бұзылған, гиперактивтілік және зейін тапшылығы бұзылған балаларға қызмет көрсетеді. Семей қаласына адамдар әртүрлі елді мекендер мен қалалардан абилитация сабақтарына келеді. 

– Ерекше білім беруді қажет ететін балаларды оңалту саласындағы тәжірибеміз бен нәтижемізді ескере отырып, Павлодар қаласында тұратын ерекше балалардың ата-аналары тарапынан филиал ашу туралы өтініштер көп болды. Шымкент және Ақтау қалаларында филиал ашудың табысты тәжірибесіне сүйеніп, Павлодар қаласында филиал ашуды ұйғардық. Біздің орталықтың мамандары қызметкерлерді қабылдап, оқытты, – дейді Арайлым Әлімжанова.

Тренингтен кейін Семей қаласының әртүрлі мамандарын тарта отырып, екі табысты қарқынды курс, ата-аналарға 30-дан астам тегін кеңес өткізілген. Павлодар қалалық филиалында қазіргі уақытта бейімделуші дене шынықтыру және сенсорлық интеграция сабақтары өтуде. Осы кезеңде көрсетілетін қызметтерді кеңейту жұмыстары жалғасуда.