1 наурызда қалалық бірінші аурухананың қабылдау бөліміне 41 адам жүгінген, деп хабарлайды @Pavlodarnews.kz.

Облыстық денсаулық сақтау басқармасының мәліметінше, оның 14-інің аяқ-қолы, үшеуінің қабырғасы сынған, сегіз адамның аяғы жарақаттанған және қалғандарында көгерулер тіркелді. 

– Бір адам ауруханаға жатқызылды.  Дәрігерлер оған операция жасауды жоспарлап отыр, –  дейді басқармада.

Дүйсенбіден бері  көктайғақ салдарынан 145 адам зардап шеккен.

Естеріңізге сала кетейік, наурыз айының бірінші онкүндігінде ауа температурасының төмендеуі байқалады: түнде -13°С...-18°С, облыстың солтүстік бөлігінде -23°С... 0,-5°С болса, оңтүстігінде -8°С...+3°С, ал күндіз  -2,-7°С... 0,+5°С, оңтүстік бөлігінде +8°С болады.  

 Бірінші, үшінші онкүндіктің басында және айдың соңында жаңбыр аралас қар, ал айдың ортасында қар мен бұрқасын күтіледі. Бірінші онкүндіктің соңында көктайғақ болады.  Желдің жылдамдығы 15-20 м/с дейін жетеді.