Балалар ерлік оқиғаларын тыңдады, деп хабарлайды @Pavlodarnews.kz.

«Аталар-ардагерлер, немерелер-іззерттегіштер» мұражайында оқушылардың бойында отансүйгіштік рухты қалыптастыруға, ел қорғаушылардың ерлігіне деген құрметті арттыруға, сондай-ақ әскери қызметке деген қызығушылықты оятуға бағытталған ерлік сабағы өтті. 

Шараға №6, №7, №25, №28 және А.Байтұрсынұлы атындағы №34 мектептерінен 25 оқушы мен 5 педагог қатысты.

– Кездесудің арнайы қонағы – облыстық мамандандырылған «Жас сарбаз» әскери мектеп-интернатының офицер-тәрбиешісі Айдос Нұғманов болды. Ол оқушыларға мектеп-интернаттағы оқу барысы, күн тәртібі, әскери дәстүрлер мен жас сарбаздарды тәрбиелеу жүйесі туралы мазмұнды ақпарат берді, – деді Оқушылар сарайының әдіскері Бахыт Аралбаева.

Оқушылардың ерекше қызығушылығын оқуға қабылдау талаптары, үміткерлерді іріктеу ерекшеліктері және болашақ кәсіби өсімге жол ашатын мүмкіндіктер туралы бөлімі оятты. Балалар кадеттердің шынайы ерлік оқиғаларын тыңдап, патриоттық тәрбиенің маңызы мен жас буынның ел алдындағы жауапкершілігін терең түсінді.