Орталықта апта сайын екі тренер «тең-теңімен оқыту» әдісі бойынша сабақтар өткізеді, деп хабарлайды @Pavlodarnews.kz тілшісі.

Қазақстан Республикасының «Қызыл ай қоғамы» қоғамдық бірлестігінің Павлодар облыстық филиалының мәліметінше, «Көру қабілеті бұзылған адамдарға арналған цифрлық дағдыларды оқыту орталығы» әлеуметтік жобасын жүзеге асыру жалғасуда. Жоба «Байерсдорф» компаниясының қолдауымен ашылған.

Жоба аясында еріктілердің, жаттықтырушылардың және жобаға қатысушылардың бейресми кездесуі өтті.

– Хош иісті бір кесе шай үстінде біз шәкірттеріміздің жетістіктерін, бағдарламаның оң және теріс жақтарын, сондай-ақ жаттықтырушылардың одан әрі оқыту жоспарларын талқыладық. Сонымен қатар, біз жоба бойынша кері байланыс алып, кездесу соңында еріктілер жаттықтырушылар мен қатысушыларға естелік сыйлықтар табыс етті, – дейді ұйымдастырушылар.

Жоба көру қабілеті бұзылған адамдарға бағытталған және бір жыл бойы жүзеге асырылуда. Бағдарлама компьютерлік және цифрлық сауаттылыққа оқытуды, сонымен қатар қосымшалармен жұмыс істеуді (онлайн қызметтер және тағы басқалары) қамтиды. 

Орталықта апта сайын екі тренер «тең-теңімен оқыту» әдісі бойынша сабақтар өткізеді. Сабақтарда ұйымдастырушылар берген құрал-жабдықтар қолданылады.

Барлық сұрақтар бойынша немесе тіркелу үшін +7(708)466-52-41 WhatsApp нөмірі арқылы хабарласуға болады.