«Достық үйінде» «Отбасы – тәрбие іргетасы» фестивалі өткізілді, деп хабарлайды @Pavlodarnews.kz тілшісі.

Экологиялық бағыттағы №36 мектеп пен Қазақстан халқы Ассамблеясының аналар кеңесі арасындағы «Мәдениетті ана – мәдениетті ұлт» жобасын іске асыру жөніндегі ынтымақтастық туралы меморандумға қол қойылған. 

Жиынның негізгі мақсаттары екіжақты қатынастарды дамыту, бірлескен жобалар мен идеяларды іске асыру болды. Мектеп пен аналар кеңесі жұмыс тәжірибесімен, ғылыми-зерттеу материалдарымен алмасып, түрлі іс-шаралар жоспарлауда.

Фестивальде мектеп «Сәукеле кигізу» ұлттық рәсімін ұсынды. 30-дан астам оқушы, мұғалімдер, ата-аналар осы ежелгі әдет-ғұрыпты көрсетуге, зергерлік бұйымдармен, халық әндерімен, билерімен, ұлттық ойындармен танысуға қатысты.

– Қазақтарда киім негізгі функциясынан басқа белгілі бір дәстүрге ие болды. Үйлену киімдеріне ерекше назар аударылды. Қалыңдық бейнесіндегі басты бас киім – сәукеле болды. Үстіңгі жағы жоғары конус тәрізді, міндетті түрде асыл тастармен безендірілген, төменгі жағынан жүнмен жиектелген. Этнографтар киімнің безендірілуі қалыңдықтың әкесінің материалдық жағдайына байланысты екенін атап өтті, – деді қалалық білім бөлімінде. 

Айта кетерлігі, дәулетті даланың қыздары сәукелені алтынмен, күміспен безендірген, негізі барқыттан немесе ең жұқа жібектен жасалған. Сәукеле жасау үшін тамаша шеберлер кейде бір жылдан астам уақыт жұмсайтын көрінеді. 

Кезінде қалыңдыққа арналған бір бас киім кейде жылқылардың тұтас табындарымен бағаланған. Содан кейін ол сақталып, анасынан қызына мұра болып қалғаны бекер емес. Қыз сәукелені, әдетте, бір рет, тұрмысқа шыққанда ғана киетін. Бұл ретте, фестиваль аясында ұлттық рәсімнің қыр-сыры ашылды. 

Ата-аналардың балалармен бірлескен қызметі халықтың мәдени мұрасымен таныстыруға, мемлекеттік тілді танымал етуге, ұрпақтар сабақтастығына ықпал еткен тәріздес.