Күдікті  уақытша ұстау изоляторына қамауға алынды, деп хабарлайды  Рavlodarnews.kz.

Облыстық полиция департаменті баспасөз қызметінің мәліметінше, 15 сәуір күні сағат 23.30-да Құдайбердиев көшесіндегі пәтерлердің бірінен  48 жастағы пәтер  иесінің  зорлық  белгілері бар денесі табылды. 

– Аталған фактіге қатысты Қазақстан Республикасы ҚК 99-бабы бойынша сотқа дейінгі тергеу басталды. Сот-медициналық сараптама тағайындалды. Күдікті Павлодар қаласының уақытша ұстау изоляторына қамауға алынды, – деді департаментте. 

Осы қылмысты жасады деген күдікпен 33 жастағы ер адам ұсталды. Ол бірге алкогольді ішкеннен кейін жанжал шыққан. Кейін күдіктінің ер адамның кеудесіне  пышақ сұққаны анықталды.