Жасөспірім Торайғыров университеті колледжінің студенті, деп хабарлайды @Pavlodarnews.kz тілшісі.

Облыстық ТЖД баспасөз қызметінің мәліметінше, сағат 15.33-те қашықтан басқару пультіне Усолка көпірінің маңында адам суға батып бара жатқаны туралы хабарлама түскен. Оқиға орнына жедел-құтқару жасағының 5 қызметкері екі құтқару қайығымен шыққан. Сондай-ақ төрт медициналық  қызметкер, 7 полиция қызметкері және ТЖ департаментінен үш қызметкер жұмылдырылған.

– Өкінішке орай, жасөспірім құтқарушылар келгенге дейін суға батып кетті. Іздеу жұмыстары жүргізілді. Сағат 16.06-да сүңгуірлер 2006 жылы туған студенттің денесін жағадан 20-25 метр қашықтықта, 2-3 метр тереңдікте тапты, – деді департаментте. 

Ол үш адаммен бірге демалып, белгісіз жерде шомылған. Марқұм суға бата бастағанда досы оған қарай жүзіп, алып шығуға тырысқан. Жастардың айтуынша, олар алкогольді ішімдіктер ішпеген.

ТЖ департаменті рұқсат етілмеген жерлерде шомылуға тыйым салынғаны туралы ескертеді. Құқық бұзушылар әкімшілік жауапкершілікке тартылады.