Павлодарда трамвай бағаны жанында екі көлік соқтығысты
Жол-көлік оқиғасы Ломов көшесіне қарсы жерде орын алған, деп хабарлайды Pavlodarnews.kz.
Облыстық полиция департаменті баспасөз қызметінің мәліметінше, 17 наурызда сағат 08:50 шамасында Ломов көшесі, 22 мекенжайы бойынша трамвай бағанасына қарама-қарсы жерде «Daewoo Nexia» және «КамАЗ» маркалы автокөліктер соқтығысқан.
– Жол апаты салдарынан жарақат алған жолаушы ауруханаға жатқызылды. Автокөліктер айып тұрағына қойылды, - деді департаментте.
Аталған факті бойынша тексеріс жүргізілуде. Сараптама тағайындалды.
