Шаһарда қысқы спартакиада ойындары өткізілуде, деп хабарлайды  @Pavlodarnews.kz тілшісі.

Ә.Марғұлан атындағы Павлодар педагогикалық университетінің оқытушы-профессорлары мен қызметкерлері арасында қысқы спорттық спартакиадасы өтіп жатыр. Бүгін баскетбол жарысы аяқталып, жеңімпаздары анықталды.

Сонымен баскетбол ойынының қорытындысы бойынша «Барыс» командасы жеңіс тұғырынан көрінді. Екінші орынды «Баянтау» командасы еншілесе, үшінші жүлдеге «Жігер» командасының ойыншылары ие болды. Спартакиада әлі жалғасып жатыр.

Естеріңізге сала кетейік, дәстүрлі қысқы спорттық жарыстар тоғызқұмалақ, дойбы, шахмат, дартс, волейбол, баскетбол, үстел теннисі, арқан тарту түрлері бойынша жүргізілуде. Ойыншылар «Ертіс», «Қыран», «Алау», «Барыс», «Жігер», «Баянтау» командаларына бөлініп, тартысты ойын көрсетуде.