Сабақтар оффлайн түрде өткізіледі, деп хабарлайды @Pavlodarnews.kz тілшісі.

ҚР «Қызыл ай қоғамы» қоғамдық бірлестігінің облыстық филиалы нашар көретін жандарға экран жарығын қолданбай телефонда және компьютерде жұмыс істеуді үйрететін тегін курстарды жалғастыруда.

Тренингті аяқтағаннан кейін сіз «Жан» мүгедектер құқықтарын қорғау жөніндегі Азия қоғамы» ҮЕҰ мен Қазақстанның Қызыл Жарты айының сертификаттарын ала аласыз. Оқуды аяқтағаннан кейін қатысушылар «Жан» мүгедектер құқығы жөніндегі Азиялық қоғамы» қоғамдық бірлестігі және «Қызыл ай қоғамынан» сертификаттарды иеленеді.

Сабақтар оффлайн тәртіптемесінде Лермонтов көшесі, 44 мекенжайы бойынша Қызыл Жарты ай кеңсесінде өтеді. Оқытуды тәжірибелі жаттықтырушылар @makrameshka1, @baktygul.aubakirova топтарда 2 сағат бойы жүргізеді. Кофе-брейктер қарастырылған.

– Компьютерде, Android және iOS платформаларында жұмыс істеуді үйрену арқылы сіз өмірдің көптеген салаларында сізге пайдалы болатын дағдыларға ие боласыз. Оқытудың арқасында сіз жаңа бағдарламалар мен құрылғыларды өз бетіңізше зерделеп, еңбек қызметінде бәсекеге қабілетті бола аласыз, навигаторды пайдалануды және қала бойынша өз бетіңізше қозғалуды үйренесіз, цифрлық форматқа аударылған кез келген әдебиетке қол жеткізе аласыз, – дейді ұйымдастырушылар.

Оқыту ұйымдастырушылар берген құрал-жабдықтардың көмегімен жүзеге асырылады.

Барлық сұрақтар мен курстарға жазылу бойынша +7(708)466-52-41 телефон нөмірі арқылы хабарласуға болады.