Биыл тазалық айлығында 15 саябақ пен скверді абаттандыру жоспарланған, деп хабарлайды @Pavlodarnews.kz тілшісі. 

Облыстық 109 бірыңғай байланыс орталығының мәлімдеуінше, биылғы жалпыоблыстық сенбілік 25 сәуірге жоспарланған.

– Биыл 15 саябақ пен скверді абаттандыру, 132 ауланы жаңғырту, сондай-ақ 60 мыңнан астам көшет отырғызу жоспарланып отыр. Оның ішінде апатты ағаштарды ірі көлемді көшеттерге ауыстыру қарастырылған, - делінген хабарламада. 

Айта кетелік, өңірде 18 сәуірден бастап «Таза Қазақстан» жобасы аясында абаттандыру және санитарлық тазалық бойынша айлық басталады. 

Ұйымдастырушылар павлодарлықтарды экологиялық акцияларға және тазалық жұмыстарын жүргізуге белсенді қатысуға шақырылады.