Зақымдауды жою жұмыстары жүріп жатыр, деп хабарлайды @Pavlodarnews.kz тілшісі.

Шаһардағы Қамзин мен Толстой көшелерінің қиылысында жол жамылғысында ақау тіркелді. Асфальттің астынан су шығып, жол жабындысының көтерілгені байқалды. Аталған жағдай жаяу жүргіншілер мен көлік қозғалысы кезінде мұқият болуды қажет етіп отыр.

Бұл аумақта бұған дейін де ұқсас жағдайлар болған. Қазіргі таңда мәселені шешу бойынша тиісті жұмыстар жүргізілуде.

– Аталған учаскедегі зақымдануды жоюмен тиісті қызметтер айналысып жатыр, – деп хабарлады қала әкімдігінің баспасөз қызметі.

Қала тұрғындары мен жүргізушілерден аталған аумақта сақтық шараларын сақтау сұралады.