Павлодарда қар тазалау жұмысы тәулік бойы жүргізіледі
Қар шығаруға 100 мамандандырылған техника жұмылдырылды, деп хабарлайды @Pavlodarnews.kz тілшісі.
Қала әкімі баспасөз қызметінің мәліметінше, сыпыратын және көктайғаққа қарсы материалды шашуға арналған құм себетін техникалар жұмысқа кірісті. Сондай-ақ 200-ге жуық адам жол жиектерін, аялдама павильондары мен жаяу жүргіншілер өткелдерін қардан тазартуда.
– Қар тазалау қаланың орталық көшелерінде жүргізілуде. Содан кейін қосалқы көшелер мен айналма жолдарда жүргізіледі. Жұмыс тәулік бойы ұйымдастырылады, – дейді баспасөз қызметінде.
Еске сала кетейік, Шідерті кентіндегі бекетте елуден астам көлік тұрып қалған болатын. Синоптиктердің болжамы бойынша, ертең, 6 желтоқсан күні де қар аралас жаңбыр жауып, көктайғақ болады.
Посмотреть эту публикацию в Instagram
