1 қыркүйекке дейін барлық нысандар қысқы маусымға толық дайын болуы керек, деп хабарлайды @Pavlodarnews.kz тілшісі.

Өңір басшысы Instagram парақшасында мәлімдегендей, жұмыстар тұрғын үй қорынан бастап негізгі жылумен жабдықтау объектілеріне дейін жүйелі түрде жүргізілуде.

– Көппәтерлі үйлердің 80%-дан астамы дайындық актілерін алды. Қаланың ЖЭО-да қазандықтарды, турбиналарды және басқа да жабдықтарды күрделі жөндеу жұмыстары жалғасуда. Магистральдік және квартал ішіндегі жылу желілерінде жұмыстар жоспарлы түрде жүргізілуде, осал учаскелерді анықтау үшін гидравликалық және температуралық сынақтар жүргізілуде. 1-ЖЭО-нан тартылып жатқан жаңа ЖМ-20А жылу магистралінің құрылысына ерекше назар аудардым. Ол ондаған мың павлодарлық тұратын қаланың оңтүстік бөлігін тұрақты жылумен қамтамасыз ететін болады, – деп жазды Асайын Байханов әлеуметтік желіде.

Облыс әкімі бақылауды күшейтуді және барлық жұмыстарды уақытында аяқтауды тапсырғанын хабарлады. Сондай-ақ, 2027 жылға дейін қаланың шағын аудандарын орталық жылу жүйесіне қосу мақсатында жылу көздерінің қуатын арттыру үшін техникалық аудит жүргізуді тапсырды.

Посмотреть эту публикацию в Instagram

Публикация от Байханов Асаин (@asaiyn.baikhan)