Павлодарда қарсы қозғалыс жолағына шыққан жүргізуші жол апатына түсті
Көліктер трамвай желісіне соқтығысқан, деп хабарлайды @Pavlodarnews.kz.
Облыстық полиция департаменті баспасөз қызметінің мәліметінше, 20 мамырда шамамен 20:30-да Жібек жолы көшесі бойымен келе жатқан «Хундай Туксон» көлігінің жүргізушісі қарама-қарсы қозғалыс жолағына шығып, «Субару» көлігімен алдыңғы жағымен соқтығысты.
Жол-көлік апаты тоғызыншы трамвай бағанының жанында болған. Екі жүргізуші қалалық ауруханаға жеткізілді. Көліктер айып тұрағына қойылды.
Сараптама тағайындалды, мән-жайлар анықталуда.
