Білім беруді дамытудың инновациялық орталығы «Жылдың үздік психологі» республикалық байқауының облыстық кезеңінің қорытындысын шығарды, деп хабарлайды  @Pavlodarnews.kz тілшісі. 

– Облыстың 22 педагог-психологі, конкурстың қалалық және аудандық кезеңдерінің жеңімпазы мен жүлдегері, оның ішінде Павлодар қаласы жалпы білім беретін мектептердің үш педагог-психологі өз жобаларын қорғады, – деді қалалық білім беру бөлімінде.  

Байқаудың финалдық кезеңіне павлодарлық үш қатысушы өтті. Олар – Алмагүл Байсадуова (№ 24 ЖОМ), Гүлсағира Өміржанова (№ 33 ЖОМ), Мәдина Ханафия (Ә. Бөкейхан атындағы мектеп).

Байқаудың финалдық турының қорытындысы бойынша Алмагүл Байсадуова II орын алды. Ол облыстық команда құрамында конкурстың республикалық кезеңіне қатысады.

Мәдина Ханафия «Жасөспірімдер арасындағы стресстің алдын алу» бағдарламасы үшін «Үздік авторлық бағдарлама» номинациясының иегері атанды. Бұл психолог мамандар білім беру басқармасының грамоталарымен және дипломдарымен марапатталды.