Жедел жәрдем оқиға орнына екі минутта жетті, деп хабарлайды  @Pavlodarnews.kz тілшісі.

Зардап шеккен адамды көшеде пышақтап кеткені туралы ақпарат пен оқиға орнынан түсірілген фото әлеуметтік желіде тарады. 

Облыстық жедел жәрдем станциясының мәліметінше, шақырту сағат 19:53-те түскен. 

1988 жылы туған әйел адам мойын жарақатымен Ғалым Сұлтанов атындағы клиникалық ауруханаға жеткізілді. 

– Кісі өлтіруге оқталу фактісі бойынша тергеу жүргізілуде. Күдікті Павлодар қаласының уақытша ұстау изоляторына қамауға алынды, – деп хабарлады облыстық полиция департаментінде. 

Облыстық денсаулық сақтау басқармасында әйел адамда кеуде қуысының пышақ жарақаты, күретамырдың зақымдануы анықталғанын хабарлады. Операция жасалғаннан кейін хирургия бөліміне ауыстырылған.