Статистикада жол ережелерін сақтамаған жүргізушілер мен жолаушылар көш бастап тұр, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, күн сайын патрульдік полиция батальоны қызметінің инспекторлары тәулік бойы жұмыс істеп, облыс орталығының көшелерін бақылайды.

– Тек өткен тәуліктің ішінде 350 түрлі бұзушылықтың жолы кесілді. Оның ішінде 50 жүргізуші жылдамдықты асырып кетсе, 35 жаяу жүргіншілерге жол бермеді. Ал 29 жаяу жүргінші белгіленбеген жерден өтіп, 24-і ішімдік ішіп, қоғамдық орындарда мас күйінде жүрген.18 адам абаттандыру ережелерін бұзып, алтауы ұсақ бұзақылық жасады, тағы алтауы шу шығарып, түнгі уақытта азаматтардың демалуына кедергі келтірді, – деді қалалық полиция бөлімінің патрульдік полиция батальоны командирінің орынбасары Максим Қостанов.

Полиция азаматтардан заң нормаларын сақтауды және Қазақстанның қолданыстағы заңнамасын бұзбауды сұрайды.