Ардагерлер кеңесінің төрағасы Кенже Кеңесбаев «Атом электр станциясы» мәселесіне қатысты пікір білдірді, деп хабарлайды @Pavlodarnews.kz.

Қазақстан халық партиясы Павлодар облыстық филиалының активімен кездесуінде атом электр станциясы тақырыбы талқыланды. Жиында Қазақстан Республикасының Президенті Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы туралы сөз болды.

ҚХП өкілдері Жолдауды алғашқы қоғамдық талқылауға Павлодар ардагерлер кеңесінің белсенділерін шақырды. Ақсақалдар атом-электр стансасын салу туралы жарияланған референдумды әңгіменің басты тақырыбы ретінде таңдады.

Кенже Кеңесбаев 50, 20 жыл бұрынғы және бүгінгі электр энергиясын тұтыну деңгейін салыстырды.

– Біздің кезімізде мұндай технологиялық прогресс болған жоқ. Ондай көп тұрмыстық техника, микротолқынды пештер, тіпті электр пештері де болған жоқ. Жыл сайын электр энергиясын тұтынудың өсуі байқалады, бұл электр энергиясын өндіруге деген көзқарасты өзгерту керек, – дейді Павлодар қалалық ардагерлер кеңесінің төрағасы.

Осылай Кенже Кеңесбаев 50, 20 жыл бұрынғы және бүгінгі электр энергиясын тұтыну деңгейін салыстырды. Сондай-ақ ол елге қосымша электр энергиясы қажет екенін  атап өтті.