Ер адамның арқасы 37 жыл бойы ауырған, деп хабарлайды @Pavlodarnews.kz тілшісі.

Осы аттас клиниканың бас дәрігері Ақылбек Ысқақов Семей тұрғынының МРТ-суретінде кеуде омыртқаларында екі қатерсіз ісіктерді анықтады. Олардың әсерінен омыртқа салбырап, ауырсыну тудырған, қозғалу және тыныс алу қиындай түскен. Науқасқа МӘМС бойынша қымбат операция жасалды.

–   Біз эпидуральды анестезиямен вертебропластика жасадық, мұндай жағдайда төменгі аяқтың моторлық қызметін сақтайды және ауырсыну сезімталдығы жойылады,  –  деп түсіндірді нейрохирург. –  Гемангиома  –  қатерсіз неоплазма, қоректік аяғы бар және қанмен толтырылған қуыс. Біз сұйықтықты сорып, қуысты медициналық цементпен толтырдық.  

Операция бір жарым сағатқа созылды.

–  Шульбин МАЭС-те жұмыс істеймін, бетонды цементтеу әдісімен емдеумен айналысамыз, енді менің өз омыртқаларым  цементтелді, –  деп әзілдейді клиниканың операция жасаған пациенті Анатолий Дармин.  –  Мен Павлодарға 10 қаңтарда келдім, операция жасаттым. Кешеден бастап өзімді жеңіл сезінемін, еркін қозғаламын, бұрын жатып тұра алмайтынмын, бәрі қорғасынмен құйылғандай, аяқтарым қорғасын сезілетін. 

Анатолийдің айтуынша, Семейде ол арқасын емдеткен. Инъекциялар, тамшылар салынды, бірақ бұл ауырсынуды уақытша жеңілдетіп, негізгі мәселені шешпеді.

Басқа жағдайда нейрохирург Павлодардан келген 87 жастағы зейнеткерге көмектесті. Оған дискілердің биіктігі төмендеген кеуде омыртқаларының сынуы диагнозы қойылды.

Емдеуші нейрохирург Ақылбек Ысқақовтың айтуынша, остеопороз салдарынан кез келген тәтте құлағанда сынықтар болуы мүмкін. Аталған жағдайда да солай болған. 

– Біз оған емханаларды аралатқан жоқпыз, шұғыл түрде «жедел жәрдемге» әкеліп, дереу операция алдындағы палатаға жатқыздық. Олар тексеріліп, бір жарым сағаттан кейін сынған омыртқаларды цементтеу операциясын жасады, – деп түсіндірді ол. Қария 3-4 сағаттан кейін өздігінен жүре бастады. 

Ризашылық білдірген науқас Александра Машина бұған дейін  қандай азап шеккенін есіне алады. 

Ақылбек Ысқақов вертебропластикадан кейін оңалту 2-3 аптаға созылатынын айтады.