Түрлі төтенше жағдайларды зерделеумен оқу-жаттығулар жоспарлы түрде өткізіледі, деп хабарлайды @Pavlodarnews.kz тілшісі.

Станцияның азаматтық қорғау бөлімшелері, «ПАВЛОДАРЭНЕРГО» АҚ, ЖЭО-2, ЖЭО-3 өрт сөндіру бөлімдері болжамды мазут өртін жоюдың барлық кезеңдерінен сәтті өтті.

– ЖЭО-3 аумағында түрлі төтенше жағдайларды зерделеумен жоспарлы оқу-жаттығулар жүйелі түрде өткізіліп тұрады. Бұл жолы, аңыз бойынша, №2 цистернада жоспарлы жөндеу жұмыстары кезінде технологиялық процестің бұзылуы салдарынан мазут төгіліп, артынан өрт шыққан, – деді «ПАВЛОДАРЭНЕРГО» АҚ баспасөз орталығында.

Оқиға орнына санаулы минуттарда станцияның азаматтық қорғау бөлімшелері, «ПАВЛОДАРЭНЕРГО» АҚ ЖЭО-2, ЖЭО-3 өрт сөндіру бөлімшелері келді. Мазутты көбікпен залалсыздандыру, зардап шеккендерді эвакуациялау және медициналық көмек көрсетудің барлық кезеңдері пысықталды. Сонымен қатар барлық негізгі коммуникациялар жабылды. Барлығы 20 минуттан аз уақытты алды.

Компанияның азаматтық қорғаныс штабының бастығы Шаймұран Шаймардановтың айтуынша, кез келген ілім – оқудың ең жоғарғы түрі. Олардың мақсаты – бастапқы іс-әрекеттерді пысықтау, ең бастысы адамдарды құтқару.