Үш жасқа дейінгі ойыншықтарда табиғи жүннен жасалған, былғары, шыны, фарфор, картон және қағазды қолдануға жол берілмейді, деп хабарлайды @Pavlodarnews.kz тілшісі.

Павлодар облысының санитарлық-эпидемиологиялық бақылау департаментінің мәліметінше, бүгінде барлық дүкен сөрелері әртүрлі ойыншықтарға толы болғандықтан, баланың талғамына сай таңдау қиындық тудырмайды. Біреуі ең тартымды ойыншықты таңдаса, екіншісі баға неғұрлым жоғары болса, сапа соғұрлым жақсы болады деп ойлайды. Дегенмен, балалар ойыншықтары сату үшін бір данасы әкелінсе де, сәйкестікті растайтын құжаттарға ие болуы керек екенін ескеру қажет. Ең алдымен, сатып алушы сатып алудан бұрын сатушыдан сәйкестік сертификатын сұрауы керек. Ол қауіпсіз деп саналатын ойыншыққа беріледі.

Баланың толыққанды психикалық дамуы ойынсыз, нақтырақ айтқанда, ойыншықсыз мүмкін емес. 

– Ойыншық оны мақсатына сай қолданған кезде адамдардың өмірі мен денсаулығына қауіп төндірмеуі керек. Ойыншықтардың қорғаныс және сәндік жабыны дымқыл өңдеуге, сілекей мен тердің әсеріне төзімді болуы керек. Қолжетімді жиектер, өткір ұштар, қатты бөлшектер, саңылаулар, шығыңқы жерлер, сымдар, арқандар және ойыншықтарды бекіту баланың жарақат алу қаупін болдырмауы керек. Қаптама қауіпсіз болуы керек, баланың тұншығу қаупі алынып тасталады, – дейді мамандар. 

Ойыншықтарды таңбалау сенімді, оңай оқылатын, тексеруге болатын болуы керек. Таңбалауда мынадай ақпарат болуы тиіс: ойыншықтың атауы, өндіруші елі, дайындаушының, импорттаушының атауы мен орналасқан жері, ойыншық арналған баланың ең төменгі жасы, ойыншыққа күтім жасау тәсілдері (қажет болған жағдайда). Сондай-ақ, таңбалау шығарылған күнін (айы, жылы), қызмет ету мерзімін немесе жарамдылық мерзімін (олар белгіленген кезде) қамтуы керек. Ойыншықтың түріне байланысты таңбалау мазмұны, жиынтықты, пайдалану ережелерін, гигиеналық өңдеу әдістерін, ойыншықпен жұмыс істеу кезіндегі қауіпсіздік шараларын, ескерту жазбаларын, құрастыру нұсқаулығын қамтиды.

Айта кетейік, мамандар  ойыншықтарды дұрыс таңдау өте маңызды іс екенін еске салады. Сатып алу кезінде ойыншықты мұқият тексеріп, қатты иістердің жоқтығына көз жеткізіп, сәйкестік сертификатын талап ету керек.