Азия чемпионатында Сайдулла Сәденов Қазақстан, Азия, Еуропа және әлем рекордтарын жаңартты, деп хабарлайды @Pavlodarnews.kz тілшісі.

Сәуір айының соңында күш қолданылатын спорт түрлерінен Азия ашық чемпионатында өнер көрсеткен павлодарлық Сайдулла Садинов бірнеше жаңа рекордтар орнатты.

Сайдулла пауэрлифтингтен 60-65 жас аралығындағы номинацияда өнер көрсетіп жүр. Бірақ биыл 70 жасқа дейінгі спортшыларды қамтитын номинацияға ауысады. Оның айтуынша, пауэрлифтингте жас шектеулері жоқ: денсаулық пен күш-қуаты мүмкіндік берсе, өнер көрсетуге болады. Жақында Қарағандыда өткен жарыстарда спортшылар арасында 76 жастағы ақсақал да бақ сынаған.

Бұл чемпионатта Сайдулла Сәденов төрт дисциплина бойынша Азия чемпионы атанды: пауэрлифтинг (497,5 кг), күштік қоссайыс (стендтік пресс және штангы көтеру), арқадағы штангамен отырып-тұру (177,5 кг). Үш дисциплина бойынша ол спорт шебері нормативін, ал 220 килограмм нәтижесімен штангы көтеруде халықаралық дәрежедегі спорт шебері нормативін орындады.

Сайдулла Сәденов нәтижеге риза екенін айтады.  Оның алдына қойған мақсаты – халықаралық деңгейдегі штангы көтеру спортының шебері атану. Спортшы жаңа жетістіктерге жетуге ниетті. Ол биыл Қарағандыда бірнеше павлодарлықтар өнер көрсеткенін және Павлодардың батырлар қаласы ретіндегі даңқын және жергілікті пауэрлифтинг мектебінің даңқын одан әрі нығайта түскенін атап өтті.