Белгі көрші дүкеннің әйнегін жауып тұрған, деп хабарлайды @Pavlodarnews.kz тілшісі.

Қалалық сот баспасөз қызметінің мәліметінше, белгіні алып тастауға міндетті жүктеу туралы талап қою бойынша азаматтық іс қаралды.

Іс материалдарынан талапкер – компьютерлік техника дүкенінің иесі, ал жауапкер – салонның иесі екені белгілі. Екеуі де бірінші қабатта орналасқан.

Жауапкерге тиесілі белгі талапкердің терезелерінің үстіне ілініп тұрған. Соған байланысты, талапкердің дүкеніне жеткіліксіз жарық түсіп, электр қуаты шығынының есеюі белгілі болды. Жауапкерге жарнамалық белгінің бір бөлігін бөлшектеу туралы сотқа дейінгі талап келген болатын, алайда салон жұмыскерлері талапты орындаудан бас тартты.

– Тараптардың дәлелдері мен іс материалдарын талдай отырып, сот жауапкердің әрекеттері заңды теріс пайдалануды білдіреді деген қорытындыға келді. Белгінің өлшемі шектеусіз болуы мүмкін емес және үшінші тараптарға ыңғайсыздық тудырмауы керек. Сондықтан сот талапкердің белгіні алып тастау міндетін жүктеу туралы талабын қанағаттандыру туралы шешім қабылдады, – делінген хабарламада.

Сот шешімі бойынша жауапкер белгінің бір бөлігін бөлшектеп, талапкердің пайдасына мемлекеттік бажды төлеу бойынша сот шығыстарын – 1725 теңге, өкілдің көмегіне ақы төлеу бойынша шығыстарды – 150 мың теңге, барлығы 151725 теңгені төлеуге міндеттелді.