Салық мөлшерлемесін жыл сайын бекіту керек, деп хабарлайды @Pavlodarnews.kz тілшісі.

Ақтоғай аудандық мәслихаты «Ашық НҚА» сайтында «Ақтоғай ауданы бойынша шетелдіктер үшін 2025 жылға арналған туристік жарна мөлшерлемелерін бекіту туралы» жобасын орналастырды. Жобаны аудандық мәдениет, дене шынықтыру және спорт бөлімі әзірлеген.

Биыл туристерді орналастыру орындарында шетелдіктер үшін туристік салық мөлшерлемесі тұру құнынан нөл теңгені құрайды.

Мәдениет және спорт басқармасының басшысы Нұрбол Мұқытовтың айтуынша, өткен жылдары да салық мөлшерлемесі 0 теңге болған, бірақ салық мөлшерлемесін жыл сайын бекіту қажет.

Жобаның қоғамдық талқылауы 8 шілдеде өтеді.