Ер адамда қызының үлгеріміне қатысты сұрақтар туындап, оның себебін дөрекі түрде педагогтан білуге тырысқан, деп хабарлайды @Pavlodarnews.kz.

Облыстық полиция департаментінің мәліметінше, № 5 жалпы орта білім беру мектебіндегі оқиға күндізгі уақытта пән бойынша жиынтық бағалау нәтижесіне көңілі толмаған оқушының әкесі мен мұғалімнің арасында болған.

Жанжал қатысушылары өзара татуласты, бір-біріне шағымдары мен талаптары жоқ. Сонымен қатар, ата-анамен педагогқа қатысты орынсыз мінез-құлыққа жол бермеу туралы профилактикалық әңгіме жүргізілді.