Мектеп оқушысы павлодарлық өрт сөндірушілер командасының атынан шықты, деп хабарлайды @Pavlodarnews.kz тілшісі.

Қостанайда 12 мен 18 жас аралығындағы бозбалалар арасында өрт сөндіру және авариялық-құтқару спорты бойынша республикалық жарыс өтуде. Оған Қазақстанның әр өңірінен 15 команда қатысып, 140-тан астам жас спортшылар түрлі дисциплиналар бойынша ептілік, жылдамдық пен шеберлік көрсетуде.

Павлодар облысының атынан төтенше жағдайлар департаментінің құрамы осындай беделді жарыстарда жақсы өнер көрсетуде. Жарыстың екінші күнінің қорытындысы бойынша 16 жастағы Данил Черевко «шабуыл сатысымен көтерілу» бойынша жеке есепте қола медальді жеңіп алды.

Данил өрт сөндіру-құтқару спортымен 2022 жылдан бері айналысады және қазірдің өзінде жоғары дайындық деңгейін көрсете білді: 2023 жылы республикалық жарыстардың күміс жүлдегері атанды. Қазіргі уақытта жас спортшы Павлодар қаласындағы №30 орта мектепте білім алуда.

Жарыс әлі де жалғасуда.

Фото: ТЖД баспасөз қызметі