Жеңіске ынталандыру ақшалай сыйлық болады, деп хабарлайды @Pavlodarnews.kz тілшісі.

Техникалық қызмет көрсету колледжінде «Жеңіл көліктерді жөндеу және техникалық қызмет көрсету» құзыреті бойынша облыстық «WorldSkills Pavlodar 2024» басталды. Өңірлік колледждерден 14 студент қатысуда.

– Республикалық жарыстың екі жеңімпазы ұлттық құрамаға қосылып, әлемдік додаға дайындалып жатыр. WorldSkills білікті мамандардың мәртебесі мен танылуын арттырады, сонымен қатар облыс пен еліміздің экономикалық өсуіне қол жеткізу үшін кәсіби дағдылардың қаншалықты маңызды екенін көрсетеді, – дейді техникалық қызмет көрсету колледжінің директоры Әнуарбек Ахметшаихов.

Қатысушылар төрт модульді аяқтауы керек: ВАЗ-2106 қозғалтқыштарының бас тығыздағышын ауыстыру, беріліс қорабын жөндеу, LADA Granta қозғалтқышының электронды басқару жүйелері мен көлік тежегіш механизмдерін диагностикалау.

– Жыл сайын қатысушылардың саны мен мамандыққа деген қызығушылық артып келеді. Бұл құзіреттілік біздің облыста үлкен сұранысқа ие. Өткен облыстық чемпионаттардың жеңімпаздары республикалық жарыстарда жеңімпаз атағын лайықты түрде растады, – дейді бас сарапшы Рүстем Миникеев.

Кезең екі күнге созылады.

– Бүгін уақытқа моторды бөлшектеп, қайта жинаймын. Оны 60 минутта жасау керек. Содан кейін беріліс қорабын бөлшектейтін боламыз. Мен көлікке бала кезімнен қызығамын, бірақ ең бастысы амортизаторларды ауыстырғанды ұнатамын, олармен жұмыс істеу оңай және олар үшін ең жоғары жалақы төленеді, – дейді политехникалық колледждің үшінші курс студенті Жұмажан Долыбаев.

Биыл бірінші, екінші және үшінші орындарға ақшалай сыйлық беріледі. Жеңімпаз қараша айында Астанада өтетін республикалық чемпионатқа барады. Облыстық байқаудың қорытындысы мамыр айында жабылу салтанатында жарияланады.