Жарысқа еліміздің түкпір-түкпірінен 110 оқушы қатысты, деп хабарлайды @Pavlodarnews.kz тілшісі.  

Астана қаласында Ы. Алтынсарин атындағы «Бином» мектебінде тоғызқұмалақтан 2-11-сынып оқушылары арасындағы олимпиада өтті. Оған Алматы қаласы, Ақмола, Ақтөбе, Атырау облысы, Павлодар, Маңғыстау, Жетісу, Жамбыл облыстарынан 11 команда, Астана қаласынан екі команда және Бином командасы қатысты. Қатысушылардың жалпы саны – 110 оқушы. 

Жарыс нәтижелері бойынша жалпыкомандалық орындар келесідей бөлінді: бірінші орын – Павлодар облысы, екінші орын – Алматы қаласы, үшінші орын – Астана қаласы.

Ұлдар арасында бірінші орынды – Павлодар облысы, екінші орынды –  Маңғыстау облысы, үшінші орынды Ақтөбе облысы қанжығасына байлады. 

Ал қыздар арасында бірінші орын – Павлодар облысына, екінші орын – Астана қаласына, үшінші орын Алматы қаласына бұйырды.