BOOK BATLE.MUGALIM жобасы мұғалімдерге өздерінің кәсіби шеберліктерін шыңдауға мүмкіндік береді, деп хабарлайды  @Pavlodarnews.kz тілшісі.

– Ең тиімді әдіс – әлі де кітап оқу.  Жоба мұғалімдер арасында оқу мәдениетін дамытуға және жалпы кітап оқуды насихаттауға бағытталған. 

Мектептердің, мектепке дейінгі және мектептен тыс мекемелердің педагогикалық қызметкерлері 5 шілдеге дейін өтініш бере алады, – дейді қалалық білім беру бөлімінің басшысы Қуаныш Қыдыралин. 

Байқау үш кезеңде өтеді. Бірінші кезеңде қатысушылар көркем және дамытушы әдебиеттерді оқуы керек. Екіншісінде буктрейлерлер жасап, оны Instagram-да @bilim_pavlodar белгісімен және #bookbattletoteacher хэштегімен жариялайды.

Үшінші кезеңде 19-23 тамыз аралығында оқылған кітаптар бойынша жобаларды қорғау өтеді.

Байқау қорытындысы 23 тамызға дейін шығарылады, жеңімпаздар білім беру бөлімінен дипломдар мен бағалы сыйлықтар алады.