Бұл шарада қатысушылар тәжірибелі косплейші әрі актер Максим Девяткинмен бірге актерлік өнердің қыр-сырына үңіліп, шығармашылық жолды бастауға арналған кеңестер алады, деп хабарлайды @Pavlodarnews.kz тілшісі.

Косплейді дамыту клубының мәліметінше, Максим Девяткин «Dark Ages Festival» іс-шарасындағы косплей бойынша негізгі байқауда «Жаңадан шығып келе жатқан жұлдыз» аталымын жеңіп алған. 

– Мастер-класста қатысушылар актерлік шеберлік туралы біліп, шығармашылық жолын бастауға арналған маңызды кеңестер алады. Сондай-ақ, қатысушылар қызықты жаттығулар жасайтын болады. Шараға қатысушылар жаңа таныстықтар тауып, көңілді уақыт өткізеді. Сонымен қатар, кофебрейк ұйымдастырылады, – дейді ұйымдастырушылар.

Шеберлік сабағы 24 қаңтар күні сағат 16:00-де Жастар бастамаларын дамыту орталығында (Ломов көшесі, 38, 0.09-кабинет, астыңғы қабат, С корпусы) өтеді.

Тіркелу және сұрақтар бойынша ұйымдастырушылар Виталий мен Марияға хабарласуға болады. Ұйымдастырушылардың айтуынша, бұл шара театрлық дағдыларды дамытуға және косплей саласында жетістікке жетуге мүмкіндік береді.