Бұл туралы Raim-мен бірге ән айтқан Артурдың сұхбатында белгілі болды, деп хабарлайды @Pavlodarnews.kz.

Youtube желісінде «NTK Show» арнасындағы «Taboo» бағдарламасында қонақта болған Артур Давлетяров сұхбатында Raim мен Ерке Есмаханның қарым-қатынасы қалай басталғаны жайлы да айтып берді. 

– Олар 2018 жылы танысқан болатын. Біз бірге концертте болған едік. Бір автобуста отырған фото да салынды, – деді Артур Давлетяров. 

Бағдарлама жүргізушісі Анара Батырхан ол оқиғаның Павлодар қаласында болғанын және өзі де сол таныстықтың куәсі болғанын атап өтті. 

Айта кетейік, жыл басында отандық эстрада жұлдыздары Raim мен Ерке Есмаханның отбасы құрғаны ел арасында қызу талқыға түскен болатын. 

Еске салайық, Ерке Есмаханның қолына 2022 жылы шілдеде павлодарлық жігіт сақина салған болатын. Павлодар қаласындағы «Ertis Promenade» сахнасында өткен концертте болған оқиғада әнші «Мен келісемін, сен мектеп бітіргенше күтемін» деп қалжыңдаған болатын.

Фото: ашық дереккөздерден