Фестиваль балалар арасында ғылыми-техникалық шығармашылықты дәріптеуге бағытталған, деп хабарлайды @Pavlodarnews.kz тілшісі.

Облыстық білім беру басқармасы баспасөз қызметінің мәліметінше, Астана қаласында, республикалық және халықаралық кезеңде «RED FEST» робототехника жарыстары өтті. Оған Павлодар облысының қалалары мен аудандарынан мектептен 30 оқушы қатысты.

Халықаралық кезеңнің нәтижелері бойынша:

• «Ғалам шексіз» миссиясында (кіші санат) бірінші орынды Екібастұз қаласы Абай атындағы №2 жалпы орта білім беретін мектебінің оқушылары Дастан Азамат мен Санжар Хамит иеленді;
• «ROBOX» шығармашылық санатында (кіші санат) үшінші орын Май ауданы «Көктөбе ЖОББМ» оқушылары Бекарыс Мұхтар мен Кәрімжан Қайырғалымға бұйырды;
• зияткерлік сумо бойынша (аға категориясы) «Үздік инженерлік шешім» аталымын Екібастұз қаласы Абай атындағы №2 ЖОББМ оқушылары Бақтияр Мырзахмет мен Алан Мейрамғалиев иеленді.

Республикалық кезеңнің қорытындысы бойынша:

• 3 санат бойынша бірінші орынды «Ғалам шексіз» миссиясының кіші санатында Екібастұз қаласының «Абай атындағы №2 ЖОББМ» оқушылары Дастан Азамат, Санжар Хамит, орта санатта Айсұлтан Сұлтанмұрат, жоғары санатта Бақтияр Мырзахмет, Алан Мейрамғалиев жеңіп алды;
• «ROBOX» шығармашылық санатының кіші санатында екінші орынға Май ауданы «Көктөбе ЖОББМ» оқушылары Бекарыс Мұхтар, Кәрімжан Қайырғалым ие болды.