Бұл мәселелерді заңнамалық деңгейде шешуге болады, деп хабарлайды @Pavlodarnews.kz тілшісі.

Сұлтанбек Мәкежанов төрағалық ететін Қаржы және бюджет комитетінің бір топ сенаторлары Павлодар облысына жұмыс сапарымен келді. Жергілікті депутаттармен блоктық бюджет тақырыптарын талқылаған астаналықтар аймақ басшысы Асайын Байхановпен кездесті. Ол Сенат деңгейінде шешуді қажет ететін үш мәселені айтты.

Аймақ басшысының айтуынша,  толық тапсырылатын инвестициялық жобаларды жүзеге асыру кезінде облыс әкімдеріне мердігерлермен тікелей келісімшарт жасасуға мүмкіндік беру керек.  Асайын Байханов бұл пікірді қостады, себебі, жауапкершілікті әркім өз мойнына алмайды. 

Бірақ, облыс әкімінің айтуынша, әуежайды қайта жаңғырту, оның базасында жүк терминалын құру, ұшу-қону жолағын кеңейту сияқты аса маңызды инвестициялық жобаларға бөлім немесе басқарма басшылары қол қоя алмайды. Ал орындалуына толық жауапкершілік бірінші тұлғаларға жүктеледі.

Облыс үшін екінші мәселе жобалық құжаттаманың сметалық бөліміне бір жыл ішінде міндетті түзетулер енгізу туралы ереже болды.

– Өткен жылдың желтоқсанында мемлекеттік сараптамадан өткен жобаларды да биыл жаңарту керек. Бұл жоба құнының өсуіне әкеледі. Сметалық бөлім мен сараптаманы үнемі жаңартып отыру бюджет есебінен төленеді және әрбір сараптамаға 5-6 миллион теңге жұмсалады, – дейді аймақ басшысы. 

Облыс әкімі мемлекеттік сараптамалар мен бағалаулар кемінде екі жыл бойы өзекті болуы үшін заңнамалық нормаларды өзгертуді сұрады.

– Сараптамалары жарияланған жобаларды жергілікті билік биылғы жылдың қаңтарынан кешіктірмей келесі жылға жариялауы керек. Ал бюджеттік және инвестициялық жобалардың тізбесін салалық министрліктерге 15 наурыздан кешіктірмей тапсыру керек, – деп қосты өңір басшысы.

Сонымен қатар, бюджеттік өтінімді тапсырғысы келетін жалғыз Павлодар облысы емес. Нәтижесінде сараптама өтініштер ағынына төтеп бере алмайды. Асайын Байхановтың сөзінше, бұл ретте құжатты кімнің бірінші тапсырғанын емес, жобалардың маңыздылығын ескеру қажет.

Мысал ретінде әкім еріген суды егістік алқаптарға бағыттап, мал азықтық шөптердің өнімділігін арттыруға мүмкіндік беретін сағалар жүйесін қалпына келтіру туралы Су шаруашылығы министрлігіне берген өтінішін келтірді. Осы жобаның арқасында кем дегенде он ауылда мал шаруашылығы көбірек дамытылады. Бірақ қарашада бюджеттік өтінім беру мүмкін емес, республикалық бюджет маусым айында нақтыланады, ал Су ресурстары министрлігі өтініштерді тек 15 наурызға дейін қабылдайды.

Павлодар облысының әкімі туындаған мәселелерді шешуге сенаторлардан көмек сұрады.

Фото: Константин Шелков