2702 заңды өкіл кәмелетке толмағандардың түнгі уақытта олардың еріп жүруінсіз үйден тыс жерде болғаны үшін жауапқа тартылды, деп хабарлайды @Pavlodarnews.kz.

Облыстық полиция депаратменті баспасөз қызметінің мәліметінше, тәртіп сақшылары түнгі уақытта жастар көп жиналатын орындар, ойын-сауық және көңіл көтеру орындары, саябақтар, аулалар мен кіреберістер тексереді. Рейдтік іс-шаралар заңды өкілдерінің еріп жүруінсіз тұрғын үйден тыс жерде болған жасөспірімдерді анықтау үшін өткізіледі. 

Мысалы, Екібастұздағы Астана көшесіндегі дәмханада сағат 23:00-де ата-анасының еріп жүруінсіз кәмелетке толмаған бала болған. Ал Ертіс ауданының Северное ауылында түн ортасында түнгі ауылда жалғыз жүрген жасөспірім ұсталды. Ата-анасыз Павлодар ауданының Набережное ауылында жасөспірім де кеш жүрді. 

– Барлық жасөспірімдер полицияға жеткізілді. Олардың ата-аналары шақырылды. Полицейлер мұндай фактілерді болдырмау туралы әңгімелер жүргізіп, түнгі уақытта жасөспірім қылмыстың объектісі де, субъектісі де бола алатындығын ескертті, – деді департаментте. 

Биыл балалардың түнде қыдырғаны үшін 2702 заңды өкіл және 78 мекеме иесі жазаланды.