Оқушы үйінде пеш тұтатуға тырысып, ауруханаға түсті, деп хабарлайды @Pavlodarnews.kz.

Бұл мақсатта 14 бала бензин қолданған. Нәтижесінде өрт қауіпсіздігі ережелерін сақтамау салдарынан жасөспірім бетінің екінші дәрежелі күйік алған.

– Бұл – өрт қауіпсіздігі ережелерін өрескел бұзудың нақты мысалы,– деді Павлодар облысы ТЖД бастығының орынбасары Қайрат Шаймарденов.

Қазір бала облыстық балалар ауруханасының травматология бөлімшесінде ем қабылдап жатыр. Дәрігерлердің айтуынша, оның жағдайы тұрақты. Апта соңына қарай үйіне шығарылуы жоспарланып отыр. Қажетті емнің барлығы толық көлемде көрсетілуде.

– Құрметті тұрғындар, өрт қауіпсіздігін сақтау – әрқайсымыздың ортақ міндетіміз. Ережелерді орындап, пешті дұрыс пайдаланған жағдайда ғана өз өміріміз бен жақындарымыздың қауіпсіздігін қамтамасыз ете аламыз,– деді ол.

Төтенше жағдай департаменті ескертеді, жылыту маусымы басталғанға дейін пешті тексеріп, жөндеу, пешті орнатуда өртке қарсы арақашықтық нормаларын сақтау, пештің алдына көлемі 0,5х0,7м болатын металл табақ орнату, мұржаны әр үш ай сайын күйеден тазарту, пешті қараусыз қалдырмау, оны балаларға тапсырып кетпеу, пешті тұтатуға бензин, дизель сияқты жанармай өнімдерін қолданбау керектігін айтты.