Инфрақұрылымдық бастамаларды іске асыру үшін қаражат беріледі, деп хабарлайды @Pavlodarnews.kz тілшісі.

Жобаның ашылуына арналған баспасөз конференциясына Ақсу қаласының әкімі Болатбек Шәріпов қатысып, жоба аясында тұрғындардың белсенділігі мен ұсыныстарының маңыздылығын атап өтті.

– «Tugan Qala» Ақсуда 2021 жылдан бері ERG-дің қолдауымен жүзеге асырылып келеді. Басты мақсат – қала тұрғындарын қалалық инфрақұрылымды дамыту және қоғамдық маңызды іс-шараларды ұйымдастыру жөніндегі шешім қабылдауға тарту, – деді шаһар басшысы.

29 тамыздан 28 қыркүйекке дейін қала тұрғындары өз бастамаларын tugan-qala.kz порталында ұсына алады. 

Жобалар аумақты абаттандыру және көгалдандыру, көше жарықтандыруын орнату, балалар және спорт алаңдарын салу, жаяу жүргіншілер аймақтарын, арт-нысандарды құру, мәдени, спорттық, экологиялық және басқа да іс-шараларды ұйымдастыру бағыттарын қамтуы тиіс. 

Бір жобаға бөлінетін ең жоғары қаржы көлемі:

• инфрақұрылымдық бастамаларға – 15 млн теңгеге дейін;

• қоғамдық іс-шараларға – 5 млн теңгеге дейін.

Әкім Болатбек Шәріпов қала тұрғындарын жобаның жаңа кезеңіне белсенді қатысып, Ақсудың дамуына үлес қосуға шақырды.