Тәртіп сақшылары проблемалық мәселелер бойынша кеңес берді, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, полиция ауыл тұрғындарына ашық диалог алаңын өткізіп, киберқылмыс бөлігінде азаматтардың қауіпсіздігі туралы мәселелерді талқылады.

– Сұрақтардың негізгі бөлігі қоғамдық тәртіпті сақтауға, абаттандыруға, бағдаршамдар мен бейнебақылау камераларын орнатуға қатысты болды, – деді департаментте.

Кездесу барысында тұрғындар сұрақтар қойып, көптеген өзекті мәселелерді көтерді. Полиция қызметкерлері полиция мен халықтың өзара іс-қимыл мәселелерін белсенді талқылаған азаматтардың барлық сындарлы тілектерін ескерді. Тұрғындар өздерін қызықтырған сұрақтарға жауап алып қана қоймай, түрлі проблемалық мәселелер бойынша кеңес алды.

Сонымен қатар, тұрғындарға ақпараттық желідегі зиянкестердің әрекеттерінен қорғайтын ұсыныстар берілді. Әр ауыл тұрғыны ұсыныстары бар жадынамалар алды.

Тәртіп сақшылары ауыл тұрғындарын кез келген бұзушылықтар мен мінез-құлық мәдениетіне бей-жай қарамай, «Полиция тазалық үшін» акциясын қолдауға шақырды.