Екі тұйық Успен ауылында орналасқан, деп хабарлайды @Pavlodarnews.kz тілшісі.

Успен аудандық тұрғын үй-коммуналдық шаруашылық бөлімінің мәліметінше, ауданда екі жеке кәсіптік көмір жеткізуші – «Егімбай-СКС» ЖШС және «Гречихина» жұмыс істейді. Қатты отын облыс орталығы мен жақын маңдағы ауылдардың тұрғындарына жеткізілуде. «Майкөбен-Батыс» және «Богатырь Көмір» кеніштерінің көмірі сұранысқа ие болса, Қаражыра кенішінің көміріне сұраныс төмен.

– Майкөбе көмірінің тоннасы 19500 теңгеге жетеді. Өткен жылы бағасы 18 000-20 000 теңге аралығында болған. «Богатырь Көмір» ЖШС көмірінің бағасы 11 000-12 000 теңгеге дейін жетеді. Ең қымбаты – Қаражыра көмірі, 20 мың теңге, – дейді бөлімде.

Қатты отынды облыс бойынша жеке ұйымдар жеткізеді. Олардың әрқайсысында екі жеткізу көлігі бар. Бір жолғы қызмет құны бір тонна көмір бағасына кіреді.

«Егімбай-СКС» ЖШС әзірге аудан тұрғындары үшін көмір жеткізуді жоспарлап отыр. Ал «Гречихина» ЖК «Богатырь Көмір» разрезінің 150 тонна тас көмірін және 350 тонна қоңыр Майкөбе көмірін жинақтады.

Өңірдің әлеуметтік осал топтағы тұрғындарына билік тарапынан жеңілдіктер қарастырылған. Қатты отын алу үшін 14 АЕК, яғни 48 300 теңге әлеуметтік көмек төленеді.

Әсия Серікова