Прокурорлар оның мүмкіндіктерін сынап жатыр, деп хабарлайды @Pavlodarnews.kz тілшісі.

Қазақстан Республикасы Бас прокуратурасы Құқықтық статистика және арнайы есепке алу комитетінің облыстық департаментінің аға прокуроры Дәулет Арынов жасанды интеллект қолданылатын перспективалық жобалармен бөлісті. Ақмола облысы мен Астана қаласында «Тергеушінің цифрлық көмекшісі» пилоттық жобасы жүзеге асырылуда.

Жасанды интеллект тәртіп сақшыларының жұмысын жеңілдетеді, яғни жұмыс жоспарын жасауға көмектеседі, әдеттегі әрекеттерді өңдеуге уақытты үнемдейді және айыпталушыдан жауап алу кезінде сөйлегенді мәтіндік форматқа аударады.

– Комитет есептердің мұрағаты ғана емес, қоғамдық қауіпсіздік саласындағы тәуекелдерді ерте анықтауға арналған сараптама орталығы болуы керек, – деп атап өтті Дәурен Арынов. – Егер адам бұрын құқық бұзушылық немесе қылмыс жасаған болса, бұл деректердің барлығы ақпараттық жүйелерде көрсетіледі.

Бұрынғы қылмыскерлерді талдағаннан кейін жасанды интеллект бұл адамның қайтадан заңды бұзуға қабілеттілігі туралы ақпарат береді. Егер адам заңды қайтадан бұзуға қабілетті болса, полиция онымен профилактикалық жұмысты күшейтетін болады. 

IT мамандары, математиктер және деректер талдаушылары жасанды интеллект қылмыстардың қай жерде және қашан жасалуы мүмкін екенін болжауы үшін жұмыс істеуде.

Алдағы уақытта жасанды интеллект qamqor.gov.kz порталында орналастырылған қылмыстық құқық бұзушылықтар картасымен жұмыс істеуге қосылады. Бұл қадамның арқасында тәртіп сақшылары қылмысқа бейім аймақтардың мәліметтерін алып, олармен жұмыс істей алады.