Боран мен көктайғақ себеп болды, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, 15 желтоқсан күні сағат 19:00-ден бастап көліктің барлық түрлері үшін жол қозғалысына шектеулер енгізілді. 

Шектеу келесі учаскелерде қойылды:

• KAZ 14 «Қызылорда - Жезқазған - Қарағанды - Шідерті» тасжолының Шідерті ауылынан Қарағанды облысының шекарасына дейінгі аралығы (1206-дан 1135 шақырымға дейін);
• KZ 14-02 «Атамекен - Ертіс - Русская Поляна» тасжолының Атамекен ауылынан Ресей Федерациясының шекарасына дейінгі бүкіл учаскесі (0-ден 263 шақырымға дейін);
• KAZ 07 «ҚХР шекарасы - Майқапшағай - Зайсанды айналып өтумен - Қалбатау - Семей - Павлодар - РФ шекарасы («Урлютюбе» ө/б)» тасжолының Мичурино ауылынан РФ шекарасына дейінгі бөлігі (390-дан 191 шақырымға дейін);
• Сол KAZ 07 тасжолының Кенжекөл ауылынан Абай облысының шекарасына дейінгі аралығы (426-дан 587 шақырымға дейін);
• KAZ 04 «Астана - Шідерті - Павлодар - Успенка - РФ шекарасы» тасжолының Павлодар қаласынан РФ шекарасына («Қосақ» ө/б) дейінгі бөлігі (0-ден 152 шақырымға дейін);
• Сол KAZ 04 тасжолының Шідерті ауылынан Атамекен ауылына дейінгі учаскесі (254-тен 415 шақырымға дейін);
• KAZ 14-01 «Павлодар - Щербақты» - РФ шекарасы» тасжолының Павлодар қаласынан РФ шекарасына дейінгі бүкіл учаскесі (0-ден 112 шақырымға дейін);
• KAZ 14-03 «Атамекен - Ақсу - Көктөбе - Курчатов» тасжолының Атамекен ауылынан Абай облысының шекарасына дейінгі бөлігі (31-ден 220 шақырымға дейін).

Жүргізушілерге алыс сапарлардан бас тартуға және жолдарда ерекше сақ болуға кеңес беріледі. Жолды 16 желтоқсан сағат 8:00-де ашу жоспарланған.