Жұмыспен қамту және халықты әлеуметтік қорғау мәселелері бойынша кеңес өтті, деп хабарлайды @Pavlodarnews.kz тілшісі.

Павлодар облысының жұмыспен қамтуды үйлестіру және әлеуметтік бағдарламалар басқармасының мәліметінше, облыс әкімінің орынбасары Дәурен Жамбайбектің төрағалығымен жұмыспен қамту және халықты әлеуметтік қорғау мәселелері бойынша кеңес ұйымдастырылды.

Кеңеске басқарма басшылары мен қалалар мен аудандардың әкімдері қатысты.

Өңірлік жұмыспен қамту картасын іске асыру, атаулы әлеуметтік көмек тағайындау және бірінші тоқсанындағы жұмыс қорытындысы бойынша мобильділігі төмен азаматтар үшін объектілердің қолжетімділігі талқыланды. – Жыл басынан бері жұмыспен қамту органдарымен 4830 жұмыссыз жұмысқа орналастырылды, оның ішінде тұрақты жұмысқа – 1791, – дейді басқармада.

АӘК жалпы сомасы 343,8 млн теңгені құрайтын 1772 аз қамтылған отбасына тағайындалды.

Жыл соңына дейін 220 әлеуметтік инфрақұрылым нысандарын бейімдеу қажет.

Қорытындысы бойынша – негізгі көрсеткіштерге қол жеткізу үшін тапсырмалар берілді. Жұмыс жалғасуда.