Ертегі қалашығы мектеп ауласында бой көтерді, деп хабарлайды @Pavlodarnews.kz тілшісі.

Қалалық білім беру бөлімінің «Павлодар дарыны» бос уақытты қамту және балалардың дарындылығын дамыту орталығының «Бес ғажайып сәт-2026» қалалық жобасының «Ертегі кейіпкерлері» атты байқауының 3-кезеңі өтті. 

«Бес ғажайып сәт-2026» жобасы «Жас кәсіпкерлер», «Қыран елім - Қазақстаным», «Ертегі кейіпкерлері», «Эрудит», «Қош келдің, әз-Наурыз» атты 5 кезеңнен тұрады. Ережеге сәйкес әр кезеңде төмен ұпай жинаған командалар жобадан шығып отырады. Жобаға қала мектептерінен 10-сыныптың 260 оқушыдан құралған 26 командасы қатысуда. 

«Ертегі кейіпкерлеріне» 2-кезеңнен өткен қаланың 12 жалпы білім беретін мектебінің 10-сынып оқушылары қатысты. 

– Байқау шарттары бойынша қатысушылар қардан түрлі ертегі тұлғаларын - халықтың көпжылдық ойын-сауығын жасады. Оқушылар қардан түрлі мүсіндерді мүсінденді. Мектеп оқушыларының шығармашылығында жыл символы бар ертегі тұлғалары болды, – дейді «Павлодар дарыны» орталығының педагог-ұйымдастырушысы Сәния Болатқызы.

Байқауға қатысып, бақ сынап жатқан оқушылар да ерекше ынтамен кірісуде. Олар үшін әр кезең қызық әрі тартысты болуда.

– Байқау өте қызықты, шығармашыл және танымды өтті. Біз мультфильмдердің мазмұнын, олардың кейіпкерлерін білуіміз керек еді. Әрқайсымыз жақсы есте сақтаған бейнелерді жасадық. Нәтижесінде ертегі қалашығы пайда болып, біздің команда 12 мектеп командасының ішінде жеңімпаз атанды, – дейді М.Жүсіп атындағы мектебінің жеңімпаздар командасының өкілі Дияр Буринов.

Ұстаздар қауымы мектеп аумағы қарлы қалашыққа ұқсап, қатысушылардың бойында ерекше эмоциялық көңіл-күй сыйлап қана қоймай, жастардың қозғалыс белсенділігін арттыруға ықпал еткенін айтады. 

Айта кетелік, байқаудың осы кезеңінен өткен сайыскерлерді алда «Эрудит» байқауы күтіп тұр.